හෙළ නැකත්

පියා මැරුණු මොහොතින් තැබු මුල්ගල . . .

මෙය ටිකක් වෙනස් අත්දැකීමක් .

පසුගිය දිනක එක් මවක් ඇගේ කුඩා දරුවත් සමග ආශ‍්‍රමයට පැමිණියා. ඇයගේ නිවස ඉදිකරගන්නට නොහැකි ඇයිද යන්න පිලිබදව ඇයට නිමිත්තක් බලා ගන්නට අවශ්‍ය වී තිබුණා.

නිමිත්ත තුළ ගැටලූ කිහිපයක්ම පැවතියා. ඒ අතර තුර යම් යලගිය ආත්මයක් බලපෑමකුත් පෙනෙන්නට තිබුණා. මෙය වඩා හොදින් අවබෝධ කර ගැනීම උදෙසා මා භාවනාවෙන් මේ පිලිබදව සොයා බැලූවා .

ඉතින් ප‍්‍රශ්ණය සංකිර්ණ වුනෙත් එතනින් ……

භාවනාවෙන් මට පෙන්වන්නට වුණේ කෙන්දර සටහනක්. එහි සිටියේ රවි පමණයි. අනෙක් කිසිදු ග‍්‍රහයෙක් පෙනෙන්නට තිබුනේ නෑ.

මටත් එක්වරම එය වැටහුණේ නෑ.

ඔය ගොල්ලන්ගේ කේන්දර වල රවි දොලොස් වැන්නේ ඉන්න කාගේ හරි කේන්දරයක් තියෙනවද ?

ඔහුන් සතුව තිබු කේන්දර සියල්ල මා වෙත ඉදිරිපත් කලා…

ඒ කේන්දර අතර එවැන්නක් තිබුකේ නෑ.

මා යලි භාවනාවට පිවිසියා…

මුල් ගලක් තබන අවස්ථාවක්…. බාගෙට දැමු ෆවුන්ඬේෂන් එකක් …. මුල්ගල තැබු පුද්ගලයාමයැයි සිතිය හැකි ආත්මයක් මා දුටුවා…..

ඔය දරුවන්ගේ නිවසේ ෆවුන්ඬේෂන් එක විතරද දාලා තියෙන්නේ… ?

ඔව් මහත්තයා.. එතනින් එහාට මුකුත්ම කර ගන්න බැරි වුණා.

කවුද මුල් ගල තිබ්බේ… ?

මගේ සැමියා…

ඇය අඩන්නට විය.

ඇයි….. මොකද්ද වුනේ ?

වැඩ පටන් අරගෙන මාස කිහිපයකින් එයා නැතිවුණා…

මොනවා වේලාද ?

හාට් ඇටෑක් එකකින්…

එයාගේ ආත්මය එතන හිර වෙලා ඉන්නවා…

හැබැයි එයා කියන්නේ මේ ෆවුන්ඬේෂන් එක ගලවලා දාලා අලූතෙන් වැඩ පටන් ගන්න කියලා… එයාට මිදෙන්න පුලූවන් එකෙන් විතරයි….

………………………………………………………

මෙය මට තවත් ගැටලූවක් ඇති කරන්නට වුණා…

එත් කුමක්ද මේ රවි දොලහේ ඉන්න කේන්දරය….

රවි කියන්නේ පියා කේන්දරයක රවි දොලහට පැමිණියාම මියයන බව ජ්‍යොතිෂයේ පවතින සිද්ධාන්තයක්….

එසේනම් මේ පෙන්නුවේ පියාගේ මරණය විය හැකියැයි මා අනුමාන කලා……

ඔබලා ගෙපල් කැපු නැකත තියෙනවද ?

දැන්නම් නෑ මහත්තයෝ ගෙදර තියෙනවා….

මට එය ටිකක් ගෙනත් දෙන්න…

පසුදිනක ඔහුන් එය ගෙනත් දුන්නා.

එම නැකතේ තත්කාල කේන්දරයේ රවි දොලොස් වැන්නේ මිය ගොස් තිබුණා.

………………………………………………………….

ග‍්‍රහ මණ්ඩලයේ පියා මියගිය නැකතකින් මුලපිරූ නිවසේ වැඩ නිමකරන්නටත් පෙර එම නිවසේ පියා මියගොස් තිබුණා..
නැකත කියන්නේ පෙතක් පෙරලලා දෙන එකක්ම විතරක් නොවන බව හොදින් තේරුම් ගන්න.

දීක්ෂා ගුරු
කාංචන ගීත් මනමේන්ද්‍ර

5 3 votes
Article Rating
guest
0 Comments
Inline Feedbacks
View all comments
Translate »
You cannot copy content of this page
0
Would love your thoughts, please comment.x
()
x