නිරෝගිමත් ජීවිතයකට පැය කීයක් නිදා ගැනීම ප්‍රමාණවත්ද?
එක් එක් පුද්ගලයාට අවශ්ය නින්දේ ප්‍රමාණය විවිධ සාධක මත රඳා පවතී – ප්‍රධාන වශයෙන්ම වයස අනුව නින්ද අවශ්ය කාලය සැලකිය යුතු ලෙස වෙනස් වන අතර, විවිධ වයස් කාණ්ඩ සඳහා මෙම පොදු බෙදීමක්ද පවතී .
මාස 4 සිට මාස 12 දක්වා ළදරුවන්ට පැය 12 සිට 16 ක් නිදා ගත යුතුය .
අවුරුදු 1 සිට 2 දක්වා දරුවන් පැය 11 – 14 ක් නිදා ගත යුතුය .
අවුරුදු 3 සිට 5 දක්වා දරුවන් පැය 10 – 13 ක් නිදා ගත යුතුය .
අවුරුදු 6 සිට 12 දක්වා දරුවන් පැය 9 – 12 ක් නිදා ගත යුතුය .
අවුරුදු 13 සිට 18 දක්වා දරුවන් පැය 8 සිට 10 ක් නිදා ගත යුතුය .
වැඩිහිටියන් රාත්‍රියකට පැය 6-7 ක් හෝ ඊට වැඩි කාලයක් ක් නිදා ගත යුතුය .
වයසට අමතරව, ඔබට පැය කීයක් නිදා ගැනීමට අවශ්‍යද යන්න වෙනත් සාධක මත තීරණය වේ . රෝගී තත්වයන් , මොළයේ ස්නායු වෙහෙසෙන ආකාරය , මානසික අවපීඩන තත්ත්වයන් , දහවල් කාලයේදී තමන් යෙදෙන රැකියාවේ ස්වභාවය , ආදී බොහෝ කරුණු නින්දේ කාලය අඩු වැඩි කිරීමට හේතු වේ . පෙති බොහෝවිට කාලේ අඩු වීමක් සිදු නොවන අතර සම්මත කාලයන්ට වඩා පැය කීපයක් වැඩිපුර නිදා ගැනීම කළ යුතුවේ .
නින්දේ ගුණාත්මකභාවය මතද ඔබ නිදා ගත යුතු කාලය වෙනස් වෙයි . ඔබේ නින්දට නිතර බාධා ඇති වුවහොත් ඔබට ගුණාත්මක නින්දක් නොලැබේ. ඔබේ නින්දේ ගුණාත්මකභාවය ප්‍රමාණය මෙන්ම වැදගත් වේ. ඔබට නිදිමත නොමැති නම්, ඔබට අවශ්ය නින්දේ ප්‍රමාණය වැඩි වේ. නිදා ගැනීමට ඉතා ඈතට ගිය වෙලාව නින්දේ වේලාව නොවන අතර සත්‍ය ලෙසම අවසානය නිදා ගන්නා වේලාව නින්දේ ආරම්භක කාලය වේ .
ගර්භණී භාවය තුළ හෝමෝන මට්ටමේ වෙනස්වීම් සහ ශාරීරික අපහසුතාවයන් නින්දේ ගුණාත්මක භාවය අඩු වීමට හේතු විය හැක.
වයස්ගත වැඩිහිටියන්ට වැඩිහිටියන්ට සමාන නින්දක් අවශ්ය වේ. එනම් පැය 24 කාලයක් තුල අවම පැය 7 කවත් නින්දකි .
ළමුන් සඳහා, නිර්දේශිත නින්ද නියමාකාරයෙන් ලබා ගැනීම තුළ අවධානය, හැසිරීම, ඉගෙනීම, මතකය, හැඟීම් පාලනය කිරීමේ හැකියාව, ජීවන තත්ත්වය සහ මානසික සහ ශාරීරික සෞඛ්‍යය යහපත්ව පවත්වා ගැනීමට හේතුවේ .
වැඩිහිටියන් රාත්‍රියට පැය හතකට වඩා අඩු නින්දක් ලැබීම දුර්වල සෞඛ්‍යය තත්ත්වයක් ඇතිවීමට හේතුවේ .
බර වැඩිවීම, ශරීරය මහත් වීම , දියවැඩියාව, අධි රුධිර පීඩනය, හෘද රෝග, ආඝාතය සහ මානසික අවපීඩනය ඒ අතර ප්‍රධාන වේ .
වෛදික ආයුර්වේදය තුළ යහපත් නින්දක් ක් ඇති කර ගැනීම උදෙසා ඖෂධ මෙන්ම වැඩපිළිවෙළක් ද පවතී .
• ඒකාකාරී නින්දක් රාත්‍රිය පුරා පවත්වා ගැනීම උදෙසා නිදි අවධිය තුළ නින්ද ආරම්භ කළ යුතු වේ . නිදි අවධිය යනු හවස 6 ත් රාත්‍රි 10 ත් අතරය .
• රාත්‍රි ආහාරය රාත්‍රි හතට පමණ ගත යුතුයි. ආහාරය අතර රූපවාහිනී පරිගණක හෝ පොත් පත්තර නැරඹීම නොකල යුත්තකි.
• නින්දට පෙර මහා නාරයන තෛලයෙන් පාදයේ යට කොටස හා යටිපතුල හොදින් සම්භාහනය කිරීමෙන් සුවබර නින්දක් ඇතිවේ.
• නින්දට අවම පැය භාගයකට පෙර රූපවාහිනි පරිගණක සහ ජංගම දුරකථන භාවිතය නැතර කිරීමෙන් නිරෝගී නින්දක් උදෙසා මාර්ගය විවර වේ.
• තම නාඩි පිරිසුදු කරනු ලබන ධ්‍යාන වැඩීම කට නිරන්තරව හුරුවීම තුළින් නින්දේ ගුණාත්මක බව ඉහළ නැංවිය හැකි වේ .
• නින්දට පෙර වෙනස් සිතුවිලි නිර්මාණය කරනු ලබන අදහස් සිතුවිලි වලින් උපරිමයෙන්ම ඈත් වීමට වග බලා ගන්න.
• ලුණුවිල කුඩු හැන්දක් තේ ලෙස සකසා නින්දට පෙර පානය කිරීමෙන් සුවබර නින්දක් ඇතිවේ.
• ලුණුවිල තේකට වද කහ කුඩු ස්වල්පයක් එක් කිරීමෙන් නින්දට භාදා ඇතිකරන සෙම් ආභාද පාලනය කර ගත හැකි වෙයි .
• නින්දට පෙර උණුසුම් කිරි වීදුරුවකට අශ්වගන්ධ කුඩු හැදි භාගයක් යොදා පානය කිරීමෙන් මනස හා ඉන්ද්‍රියන් අතර යහපත් සන්නිවේදනය ගොඩනඟා ගනිමින් යහපත් නින්ද මෙන්ම දීර්ඝ ආයුෂ ඇති කරනු ලබයි.
දීක්ෂා ගුරු
කාංචන මනමේන්ද්‍ර
